Gabaygan wuxu tirshey abwaanku mar
ay aabihiis isku qabteen geel. Gabayga waxa abwaanku tirshey waqti 70
sano ku dhawaad laga joogo.
Aabboow ninkii garanayaan gabay u
sheegaaye
Garaad laawe iyo maatadaan garannin dawgiise
Geelaa haddii aanan wadin kuna galoollaannin
Gololada abeerowday iyo Gool ma wadanneene
Giddigii markuu rimay maxaan guri ku hayn waayey
Sida Goonni-daaqyada maxaan gar u tallawsiiyey
Gufaacada xagaagii maxaan geedka kaga beegay
Maxaan kii Galoofana Ratiga guuxaya u tu'iyey
Maxan gabanta nuugtiyo gashii gees isugu ooday
Gorka lama jaqsiiyee maxaan Gorof u soo qaatay
Gafanaha dhegaa iyo maxaan Shilin ka googooyey
Iyadoo gondaa qori ka mudey gaabisna ahaatay
Goobaarti aan siday maxaan gaasir kaga jeebay
Maxaan sahanka guud iyo.....gees walba u raacay
Maxaan baadidisoo la gabay anigu soo gaadhay?
Giddigii markuu rimay maxaan guri ku hayn waayey
Guraabaaska yeedhii maxaan ugu galaydhyeeyey
Gucle iyo tallaabiyo maxaan orod ku soo gaadhay
Goonida maxaan lebiCaleen geeyey dhiniciisa
More