|
|
 |
|
 |
| |
Giiro
Ismaaciil Caaradhuub (HJ)
Ismaaciil Caaradhuub ayaa iyadoo qurbe la joogo ay kaftami
jireen niman Habar Yoonis ah. Caaradhuub waxa nimanka Habar
Yoonis ku jareexayn jireen in Habar Jeclo Riyo dhaqato oo
aanay geel lahayn. Inkastoo Ismaaciil ku baanay in dhaqanka
geela aan reerkooda looga horrayn haddana waxa ka tan batay
dacaayadii raggii ay kaftan wadaagta ahaayeen. Ismaaciil
markii laga dayn waayey dacaayadii Riyaha ayuu gabaygan
tirshey uu Riyaha ku ammaanayo oo isagoo weliba kaftankii ku
xeeldheeraaday oo uu Yarad u soo tubayo boqollaal riyaad. |
| |
Gabdhahay Garaaddadu dhaleen gaanka Habar
Yoonis
Ee uu ninkii geel lahaa goosan kari waayey
Anoo geesigii Oday watiyo Geeddi iyo Jaamac
Sidig Giiro, Sidig Gaatis iyo
Gara-yar oo naaxday
Iyo Tiro gugii hore rimay oo haatan Gudhayoobey
Iyo Tiro markay soo guraan dumarku geesaaso
Iyo Gubadlahoo qooqay oo giirka kicinaaya
Waa inaan Gabaatiga Riyaha galab ka geeyaaye
Waa inay gob lama caasiyee gole hagaagtaaye
Waa inay Garraaf uma baxshee gololo keentaaye
Waa inay Goolasha idiin qalaan kan ugu gees dheere
|
|
|
|
 |
|
 |
|
