1. Cirku waayo badan
buu gudhaa, caadku duug yahaye
2. Dhulku wuxu caddaadaa markuu, Mayay ka caagaaye
3. Ceeryaamo roob maleh hadday, curato jiilaale
4. Warka xalayto Cadan
iigu yimi, cudurkan lay saaray
5. Cududaha sidoo layga xidhay, calawga uurkayga
6. Cagta socodka ciir-ciirisee, Lawga ka cuslaatay
7. Waa midaan
canaanteeda qabay, ceebtu suulayne?
8. Maantana tolkaan ku camirraa, cawdu ma duushay
9. Cabdi Bari miyaa go'ay sidii, madag cuf loo waayey
10. Ma canbaar-cadkii
baa la jaray, curaddadii iido
11. Caleen jilicday saw reer Gobdoon, caawa kama liito
12. Cabdi Ciise, caal-saarradii, Ciise iyo iidle
13. Ma casaanyo jaban
baa raggii, caaradka u joogtay
14. Carfigii miyaa layga ridey, calanki guudkayga
15. Ma car-jabay shisheeyuhu baguu, caawa lee yahaye
16. Sida Faras col
dheer lagu galoo, orod ku caatoobey
17. Oo Caawaduu yimi rugtii, ka cabitaan waayey
18. Caraafiidayeey xalay miyaan, caato ledi waayey
19. Sida Halaq godkii
ku caddilmoo, cawski qarin waayey
20. Curduduubmayeey xalay miyaa, cidhif bannaanaaday
21. Sidii inan
cadradahoo hugiyo, gogol ku ceeboowdey
22. Oo Aabbaheed inu caddibo, uga cabsoonaysa
23. Ciiltaamayeey xalay miyaan, cawdi ledi waayey
24. Sidii dhaan
carceeroo ka yimi, lebida cuunkeeda
25. Ama caynab geeloo Berbera, cagaha soo joojey
26. Caatoobeyeey xalay miyaa, cagaha aan jiidey
27. Sidii Cawl ban
lagu weeraroo, baydar celinaayo
28. Cag halkii u saaraba mid kale, kaga ciyoo baacshey
29. Is caguujayeey xalay miyay, cidhibti dhiigowdey
30. Sidii naag cusayb
lagu eryoo, caado lagu baajey
31. Oon Curado aadiyo lahayn, gabadh u ciidmaysa
32. Oo ceeb in lagu sheego iyo, cay ka baqanaysa
33. Carcaraafayeey xalay miyaan, ciil la ledi waayey
34. Ma haddaa dhulkii
laga cammiray, aqallo caarcaarle
35. Geelii casaha lagala baxay, cobol ma loo daayey
36. Raggii ay cafuufleey dhigeen, curashadii dayrta
37. Nimankii la
caansiirin jirey, ma calqadaa saaran
38. Cududaha miyaa loogu tolay, Alifyo caarcaarle
39. Cishiriinka soo hadhay miyay, damacsanyiin caawa
40. Cidna miyaanay
kaga yaabahayn, caasiyada daatay
41. Cashiiriyo miyaan laga baqayn, ciidamo u hiisha
42. Waxba yaan
calaacalin rag waa, cayn walba u jooge
43. Waayadan Cawaaloow ma tirin, Aayadaa culuse
44. Ma callaqay madaafiicdu waa, taan cabbayn jiraye
45. Cutub kalena waa maansadaan, idinku cayntaarshey
46. Caqli male
ogaadeen hadduu, cunay jalkiisiiye
47. Caawuu ka geeraarayaa, Ciyow dushiisiiye
48. Culayskiyo danbaabkaan ka baqay, iyo caraafiidka
49. Igu celiye
cayntaaradiyo, colalkii dheeraaye
50. Xarbiyow cargaagtan iyo faan, maanta kugu ciirye
51. Cisi laguma waariyo aduun, coodin libineede
52. Ciyoonbaa ratiga
aanu rari, ceeshka noo sida'e
53. Koran cabudhle coogflaha biyaha, lagu ceshiimeeyey
54. Waanu soo ciyaarbogi sidii, Caabbi Duullane'e
55. Casar libinta
inaan dheelmi, way sida cadceedaase
56. Caska Sibi, cufkii Dhagax madow, Sagag cankuurkeeda
57. Cascaska duuri, caal saaradii, cabitinkii geela
58. Calawgii
Bullaaliyo intaa, Cagasur eegaysa
59. Cag haddaa dhigtaan meel banaan, sida shabeel caarle
60. Oonaan carada idinka wadin, waad na cariseene
61. Cismaan digin
sidiisii haddaan, caydhu idin leefin
62. Carab Laagba reerkoodu waa, caydhiyo agoone
63. Calaydh kama danbayn ba Abaskuul, cululuf mooyaane
64. Cadkan baa Amxaar
kuu ridee, Cali ma noolayne
65. Is cunbulinti Ina Nuur Siyaad, haadka la cunsiiye
66. Wax Gurraase Garaskaw cunaa, caabuqii galaye
67. Geelii Caddaysnaa
ma dhaqan, calawgi heemaale
68. Cabdi Cumar caweyskii la dhacay, caydh la dalandoolye
69. Cawdaannu kaga seexannee, waa na cariseene
70. Cabdullena u yeedh
iyo haddaa, Camar helaysaane
71. Caska waaga maadhiin ciyiyo, ciiro naga eega
72. Hana cararin waataa baqaha, culus tiqiineene
73. Cutub kalena waa
maansadaan, Ciidagale saaray
74. Wax badanbaa nimaa ciil baddeen, ciil la jiifsadaye
75. Wax badanbaa waraabaha cashiyey, subag cabsiiseene
76. Gobannimo caruuskeedu waa, col iyo duullaane
77. Caarada warmaha
niman ku helin, loo cag dhigi waaye
78. Haddaydnaan cardaaduqa ka dhigin, kuma ciseeyeene
79. Miyaa mawdku naga caaggan yahay, waydun calawdeene
80. Ciddiyaha u gura dirirta waa lagu cusboonaanne.
