|
|
 |
|
 |
| |
| |
| |
Cige
Baraar(Cidagale)
Cige oo ku magac dheeraa cige baraar ayaa dagaal xaga kaftan
ka iyo is xanaakadinta ihi ka dhaxeeyey Kabacadii Hargeysa.
Markaa gabayo, heeso, iyo guurowyo aad u fara badan ayaa dhex
maray ninkaa Cige_Baraar iyo Kabacadii Reer Hargeysa. Inta
badana marka fooda lays daro Cige ayaa toobiyaa u qori jirey
Kaba-cadii Hargeysa sidaan maqlay. Laakiin mar dhexe ayey
sheeko fakatay, kaba-cadii ayaa waxay soo ogaadeen in ninkan
Cige_baraar uu jecelyahay Inaabtidii oo reer hawd ahayd,
kadarane Cige_baraar Geel muu lahayn!!!. Markaasey Kabacadii
cige suuqii ka saartay ooy raad kiisa gureen kuna yidhaahdeen,
Cigoo- bar'laawe ayaad tahay (Geel melihid) innan reer hawdna
waad caashaqday. Hadaba maxaad yeeli nimankii reer-hawd Geel
Cascas ayey rabaan hadaad inanta weydiisato eh !!!!Caashaq
Bilaa Geel Yuniikul Hawaa ayey hadal ugu soo gebagebeeyeen
Cige_baraar. Cigaa gabayo badan ayuu u tiriyey inantii uu
jeclaa, mase wadda hayo: Wuxu yidhi:
Hablaha sebenkay u sidataa
Siiqdii webigaad Sahray tahay
Xidigta waaberi ee xujaaj dulmartiy
Xaramkay Sahri xaraf ku leedahay
Kaba-caddiina waa tii ku lahayd Cige:
Damaaci rag waa ladaba dhigaye
Ku daashay naf aan ku dooneyn.
Mar danbe ayuu Cige tiriyey Gabayga soo socda, yidhina
Dayuurad ayaan kaxaysanayaa markaa inantii ayaan ku soo
qaadayaay: kumaa illa soo gelbinaaya..Kabacadiiyeey..Markaa
Kabcadii way ka jiifsadeen gantaashaa.. Oo waxay yidhaahdeen
Cige tuu keenaaba tii kale ka daran. Ugu danbayntii cige
inantii wuu ku soo guuleystay.
Xaluun baa hilaac iiga baxay haradi
doolloode
Haab haabtay labadii go oo shaadhki maan helin
Ninkii hawd tegaayaa dab buu ku hindisoodaa
Oo horar dugaag iyo rag-bay mid is helaayaan
Anigana hubkay wuxu ahaa hootadaa qudha
Nimankii Hargeysiyo fadhiyey heegadiyo suuqa
Hanaqay lasoo wadda kaceen huguguftaydii
Kolkaasaan daruur halabsadoon heegada u baxay
Kolkaas baan ilaah baa hayee hoortay samadii
Kolkaan hugun kii reeraa maqlay baan hoos u soo degey
Kolkaasay hangool iyo gudmiyo harag layaaceen
Inanta hooyaddeed baa layidhi haatan buu yimi
Habkii gobilahayd iyo salaan ii hadoodile
Dermo waayo badan loo hayeyey hore u keeneen
Wallee gool habeen kii laqalay hilib naloo keenay
Sooryada miyigu waa hanfaqe hilib lageedeeyey
Hanbadii markay iga gureen ii halaan hale
Markuu reerki kala hooydey buu haatuf ii yimi
Inantii hubkii loo dhamee heensihii dumarka
Hablo badan waa lagu dhexdaray ooy lahayb-tahay
Iyagoo maryaa hab u xidhay oo hiririgleeynaaya
Oo higilka soo muujiyoo hab u dhaqaaqaaya
Heblaay dhaaf iyo heblaay dhaaf waxay meeshii ka hayaanba
Hortayday yimaadeen kolkay nabar(Cabaar) is hiifeen
Kolkaan jeedal ku hamsiiyey ayey hulal baneeyeen
Kolkaasaan yartaydii hantiyey taan u hawl-galay.
|
|
|
|
 |
|
 |
|
