|
|
 |
|
 |
| |
| |
| |
Magac Jab
Xasan Cabdi Cumar "Dharbaaxo
Jin" (Sacad
Muuse, HA)
Waa gabaygii Xasan Cabdi Cumar Iley (Dharbaaxojin)
ugu Jaaabay
Khaliif Madhuudhyooday
Nimuu miriray maankii qalbiga mohoraddii nuurta
Oo masaxan Quraanbaan u marin magane waa yaabe
Adoo deel micnaha uga waduu miim akhriyayaaye
Allaa Maaliga buu xuskii muran ka keenaaye
Marinkaad tustaabuu derbiga madaxa saaraaye
Magacaaga hadalkii xunee mirir ku reebaaya
Dib baa looga maagaa intaan uunku kaa maqalle
Mar hadduu magaalada dhexgalo xaalku kaa murugye
Allaa Maaligee gabaygi waa kaa maroorsamaye
Aduunbaa is maax dumiyayoo ceeb u soo mudhaye
Aduunbaa sirtiinnii mutuxay aad maldahayseene
Maqashiisay aadmiga inaad maanta jilicdeene
U miyiri wax badan waanigii maandhow ku lahaaye
Waanigii maslaxadiinna wadey maalin iyo Leyle
Musuqmaasuq ruuxii bartaan waano kaa maqalle
Waydinkii intii madax madow simay majeerteene
Waydinkii Malyuumaadka ruux sheegtay midhihiiye
Waydinkii is moodmoodi jirey sida Maraykaane
Ayaa muruqi aad sheegaysiyo kaa masaxay xoogga
Durba yaa mataanaha ku jaray kuguna maansooday
Durba yaa Muwaashiga la raro magane kaa yeelay
Sidii oori maamuus lahoo joogta milaheeda
Oo mudanahedii la diley qaylo laga meerye
Durba muusanaw iyo tollaay xaalku kaa mudaye
Macaruuf inaad naga heshaan haw malaynina'e
Waxba hay maslaxan beri horaan maanka kaa jaraye
Afartaa sidii Mayay onkoday mayska daba miisay
Miinkaan kaga bilaabiyo miyaan marinki weydaarshey
Mudanoow Afloow iyo sidii Muxumud maw yeedhshey
webiyadaan ka soo miisan jirey miig ma kaga keenay
Miinka kalena waa aniga iyo mihindiskaygiiye
Macne maleh adduunyada ninkay soori malagtaaye
Majeerteen haddii aad tihiin maydhe sharaftiiye
Maamuusna waa kala tagteen maanta dabadeede
Magtiinuna inay naaqus tahay miinka laga sheegye
Maaddiinna uunbaa beryahan laysla marayaaye
Gumeysiga madow iyo markaan Moosko dirirayney
Markay Warsaw Miiggii cirkiyo keentay Minawaarro
Marsadii Berbera iyo illaa marinka Haadaamo
Yaa Maali-jirayeey markay ciiddu murugootey
Nin waloo mucaaridi markuu dan u muraaqooday
Waydinkii cadaawii na miray gees la soo maraye
Waydinkii mashiinnada gubiyo madhixi noo yiille
Waydinkii masaakiiinta iyo laayey maatada'e
Asalkiinnu meeshuu ahaa waydinkii maraye
Waydinkii matuuxsaday wallee meheraddiiniiye
Seyidkii midhkuu sheegi jirey maanta la ogaaye
Mabda' nimaan lahayniyo la barey Maxay-Saleebaane
Inse maqnaanshihiinnii la tebey haw malaynina'e
Micne dawladeed iyo qabiil kala mid weeyaane
Haddaan Diini magantiisa nahay ama Mariixaanba
Nama midab-gumeystee xaquu noo Mitiriyaaye
Waxan nahay mataaniyo dad aan kala maqnaanayne
Mid uunbaa wax maamuli lahaa labada meeloode
Haddaanse mawd i helin taasi waa mehered ii taalle
Kuuma muuqatee tiinnanaa muran ka joogaaye
Murtadkiyo Amxaaraha anaga kabaha noo maydha
Allaa Maaliga ee waydinkaa mooyahaw tuma'e
Muslinnimona waa kala tagteen Macatab mooyaane
Afartaa sidii Mayay onkoday mayska daba miisay
Miinkaan kaga bilaabiyo miyaan marinki weydaarshey
Mudanoow Afloow iyo sidii Muxumud maw yeedhshey
webiyadaan ka soo miisan jirey miig ma kaga keenay
Miinka kalena waa aniga iyo mihindiskaygiiye
Macna maleh aduunyada ninkii muran la joogaaye
Maskax-xumada iyo caydu waa meheraddiiniiye
Iidoor marduuf qaad ah helay kaa martabad roone
Intay sharafti maydheen Kufriga uma miciinaane
Calankii maqnaa iyo Dhulkii Saynka may marine
Ma martiyin amxaarada siduu yahay Majeerteene
Moxog diirayaa iyo Hawiye Muufa dubayaaba
Waa niman masuul qaadi kara magacna kaa roone
Habar Gidirta Mudug joogta iyo Sacadka aad maagtay
Murursadiyo Caydhiyo Abgaal mudane weeyaane
Waa niman halkaas aad marteen maro ka saarnayne
Waa niman midnimadooda jecel midhaha Soomaale
Waxba hays marmarin waa dad aan kula masoobayne
Ugaadeen dhulkiisuu mulkiyey kii malgaad tahay
Ma ay mooga ceebtaad shalay ugu miciinteene
Waad mala habowdaye ayaga ma aydun maagteene
Madfac bayba kula goobayaan meel fog kaa dila'e
Ninkiise marinka seegaa khalqiga ways miyiriyaaye
Idinkuna majeerteen shafkaad soo mutuxaysaane
Wixiinuba macaac kama duwana lala mashquulaaye
Kuwanaan bahday moodayiyo muranku waa beene
Ninka Moosko joogaad tahee muusanow kicinne
Hartinnimadu meeshay ahayd waydinkaan marine
Afartaa sidii Mayay onkoday mayska daba miisay
Miinkaan kaga bilaabiyo miyaan marinki weydaarshey
Mudanoow Afloow iyo sidii Muxumud maw yeedhshey
webiyadaan ka soo miisan jirey miig ma kaga keenay
Miinka kalena waa aniga iyo mihindiskaygiiye
Soomaali waa mide waxaanad meel u kala geynin
Waxanad magac qabiil iyo hayaay ugula meeraysan
Waxanad mudanayaalbaa la diley noo maqmaqashiinnin
Mabda'iina waan wada ognahay aad maldahaysaane
Macaruuf inaad naga heshaan haw malaynina'e
Waxba hay maslaxan beri horaan maanka kaa jaraye
Inkastood colaad maamushood wax is mihiibsiiso
Inkastood kufriga Moosko iyo Minilik soo raacdo
Inkastoo hub magac weyn leh iyo miigba lagu siiyo
Inkastaad magaalada qandala oohin kula meerto
ma adaa malkada caabudwaaq miig ku tegi doona
Sow inaan mataanaha ku jari miinka kuma taalo
More lagu gartiyo midu ku yaal magaca saynkoodu
Mawluhu ma soo rogin Illeen calan majeerteene
Nacasnimada maarowdey waa meheradoodiiye
Waxan mudannay maamuus-darriyo ceebti lagu maydhay
Qabiiloyinkays madhiyey iyo meydki tira beelay
Wixii geesi magac wey lahaa dhiiga laga miiray
Dhulkii deyrka lagu meeriyee laysku mari waayey
Anaa mahan leh meeshaas ha degin murugadii joogtey
Masuulkaba ninkii looga dhigay maamulkiyo ciidda
Meydkii rashiid ee la yidhi Mudug ha loo qaado
In xabaashi maal loogu gaday cidi ma moogayne
Nin maqliyo nin meeshaba fadhiyey midhaha soomaali
Mudaniyo marwaba maalintaa laga madoobaaye
Intaasaa mataal noogu filan meheraddiinniiye
Muraadkaa ku toos Awgayoow hay makeekiyine
|
|
|
|
 |
|
 |
|
