|   Home  |  Gabayo |  Maqal |  Abwaan  |  Halqabsi  |  Halxiraale  |  Sheekooyin  |  Siyaasad  |
			Qaaje Balas (HJ) Qaaje Balas oo aanu magaciisa dhabta ahi na soo gaadhin wuxuu ahaa abwaan weyn oo aad murtidiisa loo xiiseeyo. Gabaygan soo socda wuxu tirshey ka dib markii laba jifo oo Dhulbahante ah ay aano kala gaadhay. Isagoo la hadlaya qoladii laga bursaday ayuu yidhi isagoo ku halqabsanaya Bile Waal oo reerka ragga laga dilay u dhasha; Barooddada Hasha ah maanigaa bixitinkuu diidey Maanaa Biloow aabahaa bururshey dhiiggiisa Baaruudda maanaa la dhacay baraha reer Jaamac Biligooda maanaa lahaa boqol ma gaadhaane Ugaadhyahanka baqay maanigaa wada belaayeeyey Baabuurta maanaa u diray baraha Nairoobi Berbera maanigaa tegey warkii lagaga baanaayey Boosaaso maanaa ka shaxay Beden intaan raacay Bari iyo Galbeed maanigaa Buugga maray qaaday Kolkii gabaygaasi gaadhey nimankii laga itaal roonaaday ayay duullaan humeen oo dhawr nin oo Jaamac Siyaad ah dileen. Qaaje Balas gabaygii buu u noqday isagoo Ugaadhyahan u sheegaya inay ku cadho burbureen jilib aan tiro iyo tayo lahayn oo ay naftooda kala baqeen raggii dhiiggooda daadshey; Caano iyo baruur baa nin raga caafimaad tara'e Caatada Riyaha lama qasho iyo Cawlka joogsadaye Ceesaan nin loogaa war ma leh ceebna waw halise Cadday lagama goyn reerihii calanku saarraaye Cidba maaha Reer Kooshinkaad cagagsanaysaane Haddaad Caabbi shalay toogataan idinma cayneene

	Copyright 2000 - 2002  HoygaSuugaanta.com