|
Keyse Xuseen Qasaal (HJ)
Abwaan Keyse Xuseen Qasaal waxa
dhalay gabayaagii la odhan jirey Xuseen qasaal ilaahay haw
naxariistee. Haddaba gabayada uu abwaanku tiriyey anigoo aan
wada haynin waxan idiin soo gudbinayaa laba ka mid ah.
1- Waxan maqlay in gabayaaga ay
niman ku yidhaahdeen iyagoo yaraysanaya oo aqoon u lahayn in
Keyse aftahan yahay " oo gabayada ma wax baad ka taqaannaa?"
Keyse wuxu tiriyey dabadeedna gabaygan halxidhaalaha ah. Wuxu
yidhi:
Inan(gabadh) aan
xigaal iyo tol iyo xidid wax siinaynin.
Oon aabbeheed xoolo hayn, xoogna ka haweena
Oo aan xisbiga dowladdiyo, noqonin xaaskooda
Oo dharka kii xariiriyo haddana, xidhata
baabliinta
Oo tidhi xaggaa kama aqaan, xalayto way kow e
Xaalkaa ninkee garanayoo, xaraf ka sheegaaya!
Xaashada quraana, oo
inaad barato xaaraana
Xadiis aad ku gaaloobaysaa, xalayto way kow e
Xaalkaa ninkee garanayoo, xaraf ka sheegaaya!
Nin
waynoo xalaal lagu dhaloo laba xiniinyood leh
Oo Xaylka
naagaha helaa, xalayto way koowe
Xaalkaa ninkee garanayoo, xaraf ka sheegaaya!
2- Gabaygan labaad waxan maqlay in
abwaanku u tiriyey nin uu tilmaamayey liidnimadiisa. wuxu yidhi:
Soddonkii marreexaan
wixii, loogu sacabbeeyey
Kursiguu Saleebaan lahaa, wixii maxamed loo siiyey.
Ee sarkaalku suudhka u gashadey, sabab ilaahay'e
Inaan doqoni saaxiib lahayn, gacalna
saamaynin
Oo aan samaan iyo xumaan, sina wax loo moodin
Markuu samir ka qaataad ogeyd, Nebi Saleebaane( Caleyhi Salaam)
Iyadaba waxaa loo sac-sacay, sabab ilaahay'e
Marka awr sarraaf lagu arkiyo, dhugato
saan reeba
Sadho lagu ogaadaa nirgaha, laga dhex saaraaye
Isagoo sabaan adag qaboo, silic la maaryaadey
Wuxu keligii soolka u mirtaa sabab ilaahay'e.
Inkastoo aanan hubin inaan
je-jebiyey gabayadan iyaga ah iyo in kale haddana waxan idnika
martiyayaa inaad sidooda u soo daabacdaan haddii aad iiga aqoon
badan tihiinna wax waad ka beddeli kartaan. Waad mahadsantihiin.
Nabadgelyo.
Waxa ku deeqay C.N.Ducaale
|
