Voice over Internet Protocol, also called VoIP, IP Telephony, Internet telephony,Broadband telephony, Broadband Phone and Voice over Broadband is the routing of Voice conversations over the Internet or through any other IP-based network
	Cabdi Fadal
	Habar Jeclo - Reer Daahir
	Ammaan Faras
	PART II (Part I ,   Part III) Ducaale Suldaan Guuleed(Ducaale Aftaag) oo Berbera ku sugan ayay meel isugu yimaaddeen dhawr nin oo gabyaa ah oo uu ka mid yahay inankiisii Nuur Dhegacun iyo labadii abwaan ee la kala odhan jirey Cali Jaamac Haabiil iyo Cabdi Fadal. Wuxuu Ducaale yidhi nimanyohow caawa waan idin eegayaaye bal nin waloowba faraskaaga ammaan. Waxaa ugu horreeyey Nuur Dhegacun, Ka dibna waxa ku xigsadey Cabdi Fadal. Wuxu yidhi Cabdi Fadal Alla ha u naxariistee; Midabkaagu Geydhoow sidii Goray ma laaceene Gaaddada iyo Feedhuu baruur kuma gammuurmeene Cir godladay gufaaciyo Mayay gelinba cayn keenay Goortay Gammaanki u naceen Gooxa iyo Roobka Ninka goodan gaaridu halkay gacal samayneysey Legga kuguma geliyeen halkay gogoshu ii tiille Labadaada gobol goor walbaba subag ma gaadheene Goonyaha intaan kaaga shubay gego ma qaadeene Guuraha habeenkii kolkii Goda la doonaayo hadba gees an kaagama dayeen gelengel laydheede Markaasaa Ducaale yidhi Ma u noqonaysaa Cabdoow. Markaasuu Cabdi Fadal yidhi mar kale; Meel dhaanki laba dhaxay miyaan kugu ladaabsiiyey Ma leggaan ku geliyaa sidii weled an laab raacay Ma u laacday Lebi doogleh iyo sida Lug dooxoowdey Sidii Aar laxaadsaday miyey luquntu kuu baacday Lista geela caanaha miyaan Ledana kuu daayey Ma Siddeed jir baan kuu legdeyood laacday badhidiisa Lafta dhabar kob layskaga jaboo rag isku laylyaayo Ma ku lali halkaan Laarriyoow kugu listaameeyo Mise waan ku lumiyaa intaan lur iga kaa gaadhin. Cabdi Fadal waa kii mar kalena lahaa Raggu eegmada guud indhaa wayga lalshaa. Markase aan wax luraayeen Libaadshaa ku fadhiisto, Rabbibaa ku luglee Waxbaa laygu ladhaa   Cabdi Fadal wuxuu ahaa Abwaan gabayadiisu tis qaadeen xilligii uu noolaana ka sheegganaa. Wuxuu kaloo ahaa geesi warac ah oo halgaada ninkay is haleelaan. Dagaalkii caanka ahaa ee "Raydabdhuub" ku dhex maray HJ iyo Dhulbahante qiyaastii 1880 kii waa ninkii Abbaanduulaha ka ahaa. Gabayadiisa lumay waxa ka mid ah gabaygan aan labada meeris ee dhaxal-galka ah ka hayno; Hadduu aamus doqoniimo dhalay,hadalna aafoobay. Allow yaa wax lag eed baxoo,aada garanaaya.
	Abwaanka gabay ma ka haysaa? Halkan noogu soo tebi
	Name: Email Address: Magaca Abwaanka Halkan ku qor gabayga

Copyright ©2007 Hoygasuugaanta.com