Cabdillaahi Muuse ayaa waxa gabadh ka guursaday
nin Abokor Axmed, HJ ah. Cabdillahi oo nin saboola ahaa caruur badanna dhalay
ayaa is yidhi maantaad dhiishii foqorka tuurtay. Geelii gabadhaa Cabdillaahi ka
qaatay ayaa Candhooloobey oo sidii uu ka filayey noqon waayey markaasuu ninkii
ma eedayne wuxu Cabdillaahi u gabyey HJ oo dhan oo yidhi.
Hadii talada lay dhiibayo oo ay tayda noqonayso
Togdheer waxan ka dhigi laa bad aan laga tallaabayne
Waa niman hablaha laga tumaa yay ku sii tarine
Salaan Carrabey baa gabaygii loo sheegay. Salaan oo aan colaadda sokeeyaha ku
dheerayn ayaa markii gabay laga deyn waayey yidhi.
"Ninkii arrintaa ka gabyi lahaa berri buu halkaa ka soo guurayaa". Sidii bay
noqotay oo Abokor Cawed Beyle ayaa gabaygii ka jawaabay isagoo aan HY caayayn
balse goonni ula baxaya jilibkii Cabdillaahi Muuse ahaa.
Wuxu yidhi Abokor.
Cabdillaahiyoow waxad taqaan, tixo la eedaaye
Tabaalooyin badan baa Isaaq, kaa tirsanayaaye
Togdheer waxa la joogtaan rag waa, kaaga tudhayaaye
Tambareeri baa lagu qabaa, toban dhalkiinniiye
Taaj iyo Cimaamadi wixii tegey, ma maydhaane
Isma Taahilaan reer Xuseen, Toban Sabeenaade
Temed waxay ku waayeen hablii, teedka Gubaddoode
Toddobaatan baan bixin lahaa, tiir hadday tahaye
Gabadhii Tol leh baa geelayaga, loola tegayaaye
Tusma lagu hajaan la hayn, Togiyo Heemaale
Tiriitiri ha joogtee maxaa tubana noo keenay .
More