|
QORAAL
Somali waa daallin
Toban ummuurood
More
More
 |
Sh Ismaaciil Axmed Barre, Sh Ismaaciil "Kolan" waxa uu ku hammiyey
waxyaabo badan oo uu islahaa aad soo taabtid, sida gabayga ka muuqatana
uu rumaysnaa inuu hayey waddadii uu arrimahaas ku suurtogelin lahaa.
Gabaygan dooraalayaal ayaa ku magacaabay nin kale laakiin sidii sheekhu
gabay kale ku sheegay waxaynu ka soo qaadaynaa Doofaarro iska ciyey ama
sida Sheekhuba gabay kale ku lahaa "Waa
neef dameera oo ka ciyey, dugagga reeraaye"; Wuxu yidhi
Sheekhu Eebbe ha u raxmadee
(1);
Xalay waxa isniintii i helay, toban ummuuroode
Asal gama'na ways idhi, haddana uurka kama seexan
Indhahana ma kala qaadihayn, aragna way muuqday
Afka kama dhawaaqayn haddana, aammus ma an yeelan
Ogaan uma qoslayn oo haddana, iligyaday muuqdey
Aradkana dad kuma weheshanayn, ururna waan joogey
Albaabbada dushaasaan ka jirey, aqalna waan jiifey
Istanbuuli cadar layma marin, udugna way daaray
Oon baa i dilay oo biyaan, ku ag wareegaayey
Onkod iyo hillaac roobna waa, nagu itaaleeyey
Ufo dhibicdu may wadin haddana, ooduhuu lulayey
Awaarii ma nabin oo haddana, wuu anfacay kaynta
Anfariir xaluunbaan hurdada, oog la soo kacay'e
Illinkaan tallaabada ku waday, waan abbaarrahaye
Meeshaan abraarada ku tago, aakhir bal an dhawrno.
___________________________
(1)
Waxan ka qornay: Suugaanta Dugsiyada Sare, Fasalka 2aad.
WW & Barbaarinta, Xafiiska Manaahijta, Mogadishu, 1984.
|
MAQAL
More
More
More
More
 |
