| |
| |
| |
Maxamuud Cali Fadal (HJ), 1900 - 1952
Maxamuud Cali Fadal, Ilaahay ha u naxariistee, wuxuu ka mid
ahaa Qoyskii reer fadal oo ah Qoys ahaan reerka soomali ugu
murti badnaa. Waa reer intooda badani gabyi jireen murti wax
ku ool ahna maansada soomaliyeed ku soo biirshey.
Qorshe gabay Salaanbaa yiqiin amase qaynuune
Oo waatii iyana loo qariray Qoyski reer Fadal'e ................(Maxmud
Saleban
Hersi)
Maxamuud oo Colaad sokeeye ku naf waayey waxa uu gacan ka
gardarani ku dishey dagaalkii sokeeye ee horraantii 1950kii
dhex maray beelaha walaalaha ah ee HY &HJ. Waa colaadda uu ku
qudhbaxay Halyeygii gabyaaga ahaa ee YAWLE oo safka hore kaga
jira raggii Soomali ugu gabay-yahansanaa. Yawle iyo Maxamuud
Cali fadal waa laysugu aaray oo labadaba gacan ka gar daran
baa dishey aakhirona Ilaahii uuntay suaali doono.
Waxa maxamuud iyo Yawleba ku qudhbaxeen xarbi ahli ah oo in la
xuso mudan si loo dareensanaado cawaaqib xumada ay leedahay
colaadda sokeeye oo soomalida gaadhsiisa in wiil walaalkii
dilo.
Waakii Yawle lahaa intaan la dilin
Ma maroodi baan habar jeclooy idinku
maaweeshey
Ma Mooyaan idiin tumay gun waa loo mashxaradaaye
Gabaygan wuxu maxamuud ka mariyey colaaddii waagaas uu ku naf
waayey. Isagoo tilmaamaya nin rag uu dabin la rabay ka
baxsadeen oo duul aanu la doonayani dalaq yidhaahdeen buu
tixdan ku maansooday.
Iyadoo markaa daran ka timi, daaqna lagu
foofshey
Iyadoo kuraha Diinlayaal, xerada loo deyrey
Iyadoo Dereyseey markaa, laga daboolaayo
Iyadood durbaan mooddo, iyo daramalkii gaalka
Oo ay dig kaga siinayaan, Baarqabbadu doobta
Daandaansigii geelayaga laguma doonteene
Duhur lagama qaadeen halkay "daaqa" ku lahayde
Alamaanka doobsaday markuu doorki naga layey
Maxamuud Caloow dirir markii la iga deyn waayey
Ee aan daliishaday inay daacad tahay toodu
Yaa Daahireey muusannaw danan markuu yeedhay
Darandoori waw ridi jiree toban miyaan daadshey
Ma lixbaan daqiiqaha ka dhigay duubiyada xoogga
Ma labaatan wada diidayay dani ka soo reebtay
Nimanbaa dubbuhu igaga dhacay lamase doonayne
Caynaanshe Dalab baan lahaa degello naafeeye
Reer Weydkan dihinbaan lahaa dayrta ku casheeye
Danyaroow Xuseen iyo ma galay dabatadii Muumin
Hadii aanan reer Sugulle dilin daaco ii dhimanne
Iyagana durduurtaan ku heli doorka dabadeede
Gabaygan "Darandoorri" waxa ka jawaabay nin HY ah oo aannaan
magaciisa hayn oo markii Maxamuud Cali HY ku baxay gabay
tirshey ay ka mid ahayd;
Darandooriguu sheegi jirey, lagu
danbaysiiye
|
|
|
|
