|
|
 |
|
 |
| |
Ustarali
/Gahayr/Tarabbi
Tixahan aan wada dhammayn waxay ka mid ahaayeen gabayo dhawr ah oo
ay is dhaafsadeen abwaanadii waaweynaa ee Cabdi Gahayr iyo
Xasan Tarabbi oo Ciidagale ahaa iyo Cumar Australia oo Sacad
Muuse u dhashay. Waxa bilaabay gabayadan silsiladda ah Cabdi
Gahayr oo hunguri ka galay geel ay leeyihiin beel Sacad Muusa
ah oo Hadhiye Cismaana oo ka soo xagaa baxay xeebta soona dagay banka Qool-Caday. wuxuu
ku yidhi Cabdi Gahayr : |
| |
Sidii aar hilbii laga
kacshay oon weli hamuun goynin
Waayadan higgaa igu go,doo waan hamaansadaye
Haab haabashaan ahay waxaaan heli se mooyaane
Geelaa hudheelluhu watee Hadhiye maalaayo
Hawl laawahaasaan arkaye ma hunguroodeene
Iyadoo hirkaa iyo hirkaa halab ka reemaysa
Iyadoo haleeliyo hor weyn wada hillaacaysa
Hayb yeelataba xerada waan ku hubsan dooneeye
Habar.yoonis iyo ciidagale labada haamoodba
Halkanay ka dhawdee tolkay wey hagranayaane
Waxa gabaygaas oo dhammayn ka jawaabay Cumar Xuseen oo marshay
tix aan ka hayno;
Geelaa horaadada fidshay ee hadhiye
maalaayo
Habaryoonis iyo ciidagale labada haamoodba
Halyeeygii ducaaliyo xirsaa ugu hanweynaaye
Hadhgalaybaa laga diray heeshigaa dhalaye
Abidkiinba kuma hiil baxdaan halaca maadhiine
Huwanbaan ogaa oo dagaal kuma hagaagtaane
Hawhawda iyo faanku waa himiladiiniiye
Anna hawlle iigama duwana hurinta Daa'uude
Hitlarbaad ismoodaan markaad halaha maashaane
Abtiyaal wax aydaan helayn ha isku hiifina'e
Halba aniga oo nin u dilay oo habelna dheeraaday
Waydinkoo habeenkoo madow danood soo hitiqiseene.
Wakhtiga uu gabaygan tirinayey Cabdi waxay ahayd wakhti aad u
xun oo la gumeeyey dadka soomaaliyeed meelkasta ha joogeene.
Ingiriisku wuu ka qaaday dadka hubkuu noockastaba.
Xasan_tarabi oo isagu dareensanaa ayaa Cabdi gabay canaan ah
uugu jawaabay. Gabaygan waxan ka qoray oday 80 jir ah oo ma
dhibaan ah oo la kulmay Cabdigahar,waxaanu ii sheegay inuu
gabaygani kala dhiman yahay. Waxa laga sheegay Cabdigahar inuu
yidhi waxan ku quustay tix gabayga Xasan Tarabi ka mida oo
odhanaysa:
"Heeraaga aar ihi hadduu hilib u
gaajoodo
Muska ku hakan maayee hadday ooddu hanan weydo
Hal uu dilay hangool lagu dhuftuu kaga hagaagaaye"
Waakan gabaygii Xasan Tarabi:
Cabdiyow waxaad heli kartaa la
hungureeyaaye
Adigoon waxbaba haybsan baad hurisay duulaane
Hanti kaa yaraataad is tidhi buuxso haamaha'e
Talose waxay hagaagtaa markii la hojiyaa wiige
Kol haddii horruun loo dhufsado waa hogaan go'aye
Nimaan u hubsani haadaan ka duul oo hubanti weeyaane
Hadimaa tolkaa kugu qabaa taadu waa hadure
Heeraha libaaxuba hadduu hilib u gaajoodo
Isagoo hamuun qaba hadduu hamaga neef saaro
Muska ku hakan maayee hadday oodu hanan weydo
Haluu dilay hangool lagu dhuftuu kaga hagaaye
Cirkaadse haabanaysaa adoon hadal la gaadhayne
Hooniyo Tiriibali ragii haystay lagu maagye
Masuuraati waa loo hadhgalay hiil u dirirkiiye
Hareeraha dabaa lagaga shiday hilinkii faarsaade
Halyaygii uu dhalay keenadiid hobayo loo diidye
Hadhka dirirta niman heeri jiray kuma hanqaadhmaane
Hogaan baaba lala gaadayaa habar majeerteene
Waataa maroodigu habsaday hiladii yaaquube
Aduunbaa hamoodaye dadkii hilin la qaadsiiye
Waakaa dhulbahantihii hadhgalay hooskii cadanweyne
Hoosiis kolkii laga dhacay bay wada hilaabteene
Nimankii fardaha hayn jiriyo hagarna waa caydhe
Hal laguma oga reer wacays hodan qabeenkiiye
Aduunbaa hamoodaye dadkii hilin la qaadsiiye
Hawiyiyo axmaarbaa isku dilay haradii dooloode
Kayntii hareeriga badanayd lagu heshiinwaaye
Haadkaasi wuxuu boobayaa hilibkii gaalaade
Aduunbaa hamoodaye dadkii hilin la qaadsiiye
Wadaadkii hagoognaa qab waa lala halaabaaye
Ba xawaadle hoobaan wardheer ugama heesaane
Huwan dhimatay reer dalalna way uga horeeyeene
Hirguduudan haaruun beryahan kama hiryewstaane
Hayinkii la dhaanshiyo kolkii haantii laga qaaday
Hidin waaye reer cali inay dirir u haabtaane
Wuunay habaareen sidii habar agoomeede
Abaskuul hadiyo beerihii kama hayaanteene
Wax la yidhi hadhuudhkii bartire heliba maysaane
Okholaha kuwii hayn jiriyo geri habaasawe
Aduunbaa hamoodee dadkii hilin laqaadsiiye
Awal toban gubaa la hayayuu halakadaysnaaye
Reer nuux wuxuu haysan jiray helina soo waaye
Ka hagaafe daarii hindigee maalku hoos yiile
Hoobaanta saadadii lahayd hebelo loo diiye
Habar yoonis iyo ciidangale laguma hawshoone
Hubka tiirsha uun baa la yidhi Herer ragii yiile
Dayuuradahan hawd meerayaan ku habranayaaye
Haleeladan irmaan reer mataan kama hugoobeene
Hama dheeridaa meel kalaa la hindisaayaaye
|
|
|
|
 |
|
 |
|
