Labadan abwaan waxay leeyihiin silsilad gabayo ah oo muddo socotey taasoo
jareexo qabiil u badnayd. Ina Jeeni Cadde oo gabadh HJ guursatay ku
canaanaya isla markaana dacaayadaynaya ayaa yidhi;
Waxartii hallawdaba, haddii haaro lagu yeelo
Tii Harimcad fuulaba, haddii lagu hangooleeyo
Xabaal lagu hamsiiyeey maxaa Habar Jecluu geeyey
Maxamuud oo u jawaabaya Ina Jeeni-Cadde waxa isna gabaygiisii ka mid ahaa;
Adhigaaga raacsaan lahaa, agab la' weeyaane
Idifkana ka xiir baan lahaa, waa agoon wuxuye
Aabbaheed wastooy maanigaa inanba moodaayey
Maxamuud isna wuxu u galay gabay uu uu Ina Jeeni-Cadde dartiis ku
aflagaadeynayo qayb ka mid ah hablaha Saadada Reer Sh Isxaaq.
Dhalad Ciise Muusay u tahay dhabanna waw kaase
Dhaymoole iyo bay degaan, dhinaca Laalayse
DHaraar iyo dharaar bay riyaha, Dhuubo korisaaye
Dhulkeennii ku geli mayso iyo Dhooddi iyo Hawde
Dhami mayso Caanaha haddaan dherigu qiiqayne
Ina Jeeni-Cadde isna wuxu bilaabay inuu wax ka sheego jilibkii uu Maxamuud
Qaloonbi ahaa isagoo ka leexanaya inuu isku qaado Muuse Abokor iyo Cumar
Jibriil.
Biciide iyo Reer Yoonis iyo Cumarka baalleeya
Nimankaan bilaawayn lahaa iima soo bixine
Bah-Majeelo iyo waa necbahay biirabiiraha'e
Ma hubno inuu Maxamuud gabaygan tirshey
laakiin qaarba u tiiriya inuu yidhi
Biciide iyo Reer Yoonis iyo
Cumarka baalleeya
Baallaha anay iga xigaan labada buuroode |
