| |
Abwaankii weynaa ee Maxamuud Qaloonbi ayaa doonay inan ay ilmaabti yihiin
isagoo u daacad warramayana wuxu yidhi.
Eglan lacagta kama soo diriyo, aradka jaynaaye
Intaan igadh maqaarka u ruxruxo, sooma ololsiine
Afar Boqol ma gaadhoo tolkay, waad ogsoontahaye
Inaabtaay hadhoow yaad i odhan, eygu way hodaye
Sidaa maygu aamini haddaad, uur fayowdahaye
Mise wiil akhyaaraad ka dayan, uumiyuu badane
Maxamuud Qaloonbi ayaa nin ay ilmaadeer ahaayeen ama uu adeer u ahaa Burco
ugu yimi. Ninku kumaanu tala gelin Maxamuud imaanshihiisa'e, wuxuu meel uu
seexdo uga raadshey guri ay lahayd gabadh carmal ah oo keligeed bangalo dhan
ku jirtey. Gabadhii illeen waa shuqul carmali'e malaa nin ay is xodxodan
jireen baa u yimi markaasay odaygii bannaanka u tuurtay. Subaxdii baa
Maxamuud oo hurdo la'aan iyo qabawgii subxeed isu cuskaday ayuu ninkii ku
soo baxay oo waraystay. Gabay dheer buu halkaa ka tirshey kaasoo aan nasiib
darro ka hayno tuducyadan soo socda;
Haween lacag ma diidaan haddii hoo la lee yahaye
Hadli waydey goortii Rubbiyad, Haadh(1)
ah loo riday e
Haddii aan hubkaygii sitiyo, haadiso Amleey ah
Hilbaan dhigi lahaa goorti ay igu haweeyeene.
______
(1)
Haadh = Adag, lacag
adag buu ka wadaa.
Maxamuud oo ka gabyaya dagaal badhtamihii qarnigii tegey ka dhacay Burco
waxa erayadiisii ka mid ahaa;
Nin hadduu hammuun badan qaboo halac ku yuusaayo
Hed ma fiiriyee wuxu is odhan hilib ma gaadhaaye
Hollise'e miyaa daarihii halaq idiin seexday
Maxamuud Qaloonbi ayaa Cadan tegey oo niman Aadan Madoobe ahi si fiican ugu
sooryeeyeen. Halkii laga eegayey inuu nimanka sidaa u galay u mahad celiyo
ayuu magaaladii ka cawday; (Soo dhammee)
Hadhacii la ii waabi jirey huurkanaa xigaye |
|
