Ammaan gabdheed
Waxaan gabaygan ka soo qoray Axmed Faarax (Nowle) iyo
Moxamed Jaamac Adeerre 31/12/2011. Waxay ii sheegeen in Xaflad
aroos lagu Weydiiyey (IHN) Aw Cabdi inuu gabdhaha wax ka sheego
sida uu ragga wax badan gabayo uga tiriyey gaar ahaan dhalin yarada. Ka
dibna wuxuu Aw Cabdi yidhi;
Mid
adduunyo la siistay,
Geela Ayriyo Laan,
Idaa qoorta madow,
Iyo aadh lacageed
Oo marna sii oroda
Marna soo orodaa
Ooridaa ba'day maaha!
Idifleyda tima xun,
Sanka soo urursan,
Ilka raarata maaha!
Waysla aydin yarowo,
Ilmahaan ka korayne,
Urufta gaabaanna maaha!
Aflabbooddada waalan,
Asaraar iyo been,
Aroor kuula baxda,
Inkaartaa kulul maaha!
Indhahaa ka naxoo
Uurku waa ka didaa,
Aswadka maaha madow!
Midaan Awrka
dabranayn,
Unug
cawsa lahayn,
Adhiga maali aqoon,
Iska nooshana maaha!
Midda uurka dabtaan,
Arxan kuugu maqnayn,
Abeesay noqotaaye
Alla gowracda maaha!
Abidkeed midaan
naaxin,
Abaalkay
bi'isaaye,
Ul ka
dhuubanta maaha!
Dadkaa aan ururshey,
Haddii aanay ahayn,
Usha laysku dhufto,
Ereyga laysku xumeeyo,
Anfaca laysku yareeyo,
Arradku waa ka mamnuuc,
Aydintaa golajooga,
Aloos-qaadka maryaa,
Inantaa waad u bogtaa!
Ciridkaa tukh madow
ah,
Ilkahaa isku
toosan,
siraad
weeye ifaaya,
Isimkayga wadaad baa,
Ilaahay igu sheegayoo
Ammaantooda gabdhaa,
Kuma sii ishtihaadee,
Haddii aan in yar dhaafo
Eed la iigama sheego.
______________________________
Waxa ku deeqay: Jaamac Cabdi Muuse (jamamuse@hotmail.com)
More