| |
Part IV Warsame ayaa gabay kale oo aannaan wada hayn soo diray oo uu
ku tilmaamayo in Reer Xaamud ay baqeen oo dhulkiiba ka qaxeen.
Gabaygaas waxa ku jirtay (Soo dhammaystir);
Afar iyo tobnaadkii markii, adhigu guuraayay
Toobadda iyo ashahaadada markaad ka anfariiraysay.
Niman badan oo Ismaaciil Jibriil iyo Nuux Ismaaciilba leh oo gaadhaya
300 ayaa waxa la weriyey inay ku soo beegmeen beesha Reer Xaamud. Reer
Xaamudkii colkii meesha marayey waa marti sooreen geel aad u badanna
waa u qaleen. Nimankii la sooryeeyey oo ka war haya arrinka dhexyaal
Reer Xaamud iyo Bah Gobo ayaa yidhi"Ilmaadeerayaalow intan aad nagu
sooryeyseen baa magta dhadhaweyn lahaaye maad ku bixisaan". Reer
Xaamudna wuxu ku jawaabay inaan mag lagu lahayn ayaguna ay yihiin
marti waajibkii martidu lahaydna ay mariyeen. Cige ayaa markaas gabyey
oo yidhi asagoo Warsamena gabaygiisa kore uga jawaabaya:
Afar iyo tobnaadkii markaan, ku ashqaraarsiyay
Ismaaciil Jibriil maalintuu, umal wareeraayay
Xasan maalintuu ooyayay, ee aamus laga waayay
Ergadiina maantaan ul iyo, aabi kala daalay
Ashahaadda wuu buxiyaa, oo oday dhan weeyaane
Arbow ina Xergeeyaa ogaa, iginbil kaygiiye
Adyad baanistaydii wixaan, adiga kuu gaystay
Afka Qabile iyo maalintii aad, adadixii fuushay
Eed oomanaantii biyaha, soo ag mari wayday
Itaalkayga iyo maalintaad, aragtay xooggayga
Ilaahbaaban ku dhaariyay, iyo ulognaheeniye
Kol hadaad akhyaar tahay ,runtaa la intifaacaaye
Udbahaan ka guuray iyo markaad, shidatay oodayda
Bal astee ardaagaad fadhiday iyo araddadaad joogtay. |
|
