|
Xuseen Qasaal & Gammuute
Xuseen Qasaal ayay kaftan wadaag ahaayeen Maxamed Cabdulle Cali "Gamuute"
oo ka mid ahaa abwaannadeenna waaweyn. Xuseen Qasaal murtidiisii waxa
ka dhaxlay willkiisii Keyse Xuseen Qasaal oo isna gabyaa ahaa.
Waxa la sheegaa in Ina Cariish iyo Ina Dubbad laba nin oo la yidhaahdo
lagu eedeeyey inay kufsadeen hablo Jaamac Siyaad ah ka dibna la xidhay.
Labada nin oo kala jilib ahaa ayaa midkood la soo furtay kii kalena
inta raggii lagala dhex baxay ayaa jailka loo taxaabay markaasaa
Xuseen Qasaal gabyay oo yidhi;
Iyaduu malqaxan yahay uumiyuhu maalintii Garabcad
Oo maalku naga daadsan yahay moodka iyo noolba
Waataa musaanado dhigteen muguc galkiisiiye ..Muguc=Balli
Mugdi dhexe haddii qayladii nalagu soo miisay
Mannadaanu dhigannaan lahayn haydin mariyeene
Malyuun iyo Malyuun iyadooy sidato maadhiinka
Oo Sida Maraykaan hindiya march u soconaysa
Malkadaydun joogteen iyaduu rag idin maageertay
Oo maarra weyntii rasaas idinku miisayso
Meel aannu naal ina Cariish laguma maageene
Maganee siday Habar Jeclada uga madoobaatay
Wax dhaaxaydun muranteen markaan sheegay maatidae
Nimankii Maroodiga ahaa mudanki reer Daahir
Waxa laga maroorsaday raggaan laga mildhaawayne
Hadday dirir u soo magan galaan laguma maageene
Reer Raagihii miigganaa lama muquunsheene
Inaan hooyadii meel ka dhalan maanta la ogaaye
....Gabaygan kooban wuxu ka mid yahay jawaabihii Gammuute u
tiriyey balse uma muuqdo jawaabta gabayga aan kor ku soo xusnay:
Fadlan soo dhammee gabayada
Hablahooda waw daran yihiin Hagarba shaalleeye
Sida inan habreerkeed la diley way hiq leedahaye
Hoyga Ina Dhinbiil lagu ridaan la hammiyaayaaye
Habeen iyo dharaar baa ilmadu hililiqlaysaaye
Maxaa gabadhu waa habaryartaye habaca loo siiyey
Midgaan hooto dhaadhiya..................... |
