|   Home  |  Gabayo |  Maqal |  Abwaan  |  Halqabsi  |  Halxiraale  |  Sheekooyin  |  Siyaasad  |
	CidiMaKushegtay Laguma weydiin Jug Ma ridey Waranka soofeeya DireDire Af Kala Qaad Kala Qolo Ammaan Geel		Laguma Weydiin Ismaciil Xayd Xirsi "Aflow" (HA) Beela Ciidagale ah ayaa ogaadeen dhuunta u galay. Berigii Danbe ayay inta beelo firxada ka daba tageen ayaa ninba waa maaline laga gol roonaaday. Nin Deyl Yogol la odhan jirey oo Abssame ahaa ayaa gabyey oo yidhi Isagoo ciidagale ku diganaya Ismaaciilna la hadlaya.   Ismaaciil Xayoow laba halaan xalay ku taawooday Waagaad xaggiinnaa u kici xaraf an kuu sheego Xubbina iiga qaad tahaydu waa sida xariireede Sow kama xog-haysaan kuwii xuurta la cunsiiyey Sow kama xog haysaan kuwii Xaraf u daaduumay Sow kama xog haysaan kuwii Faras xabbaadhaayey Seeddoow haddaan lays xasdeyn xoon gobaan nahaye Anagaase libintii Xignee xuuxda naga daaya. Ismaaciil Xayd Xirsi "Aflow" waxay la noqotay inuu gabaygaas ka jawaabo wuxuuna tirshey tixdan; Deyloow wanaagsane haddaan weedh yar kuu celiyo Inta Gabayga Waadhoolisa yaan waaridkeed ahaye Waxoogaa yar lama Laaqiyo ee waan warwariyaaye Anigu weedha waan daalacdaa sida wadaadaaye War biyo leh sidaad dadkuba uga Wiyeertaaye Waanjuu haddii Ceel la daro Wiig ma madhiyeene Waraabuu hadduu Neef la dhaco waa Winjiiriyiye Waxna ma taro dharaartay xabbadi daba warraaqdaaye Wadartii la jaray Ciidagale laguma weydiinne Halihii wadeecada ku galay laguma weydiinne Nimankii Amxaaruhu Wanjalay laguma weydiinne Habrahaydun Waajuuciseen laguma weydiinne Kolkii reer Wacays lagu wab yidhi waaga berigiisa Iyaba waa walaalkiin haddaad u welweleysaane Waasaca Bullaale iyo halkiyo Waraqa Hooyaale Weelkooda reerihi la qubay Ala miyaa weertay Wedkiinuba qariib inuu yahaan kuu warramayaaye Wadaadadan gaboobiyo Hablahan waa walbaba ooyi Haddaan Wariiddadoodii la layn Ma aanay Weerteene Waab-Cawska naagaha galaa ma iyagaa waalan Mise idinka Wiilkii la dilo Waxar yar baa dhaama Waleensina u guura oo Ratiga Weelka lagu qaadye Waabayda kuu qooshan iyo waxa laguu doonay Waxyar i dhawr waraqbaa la diri wiiggan dabadeede Colaadaasi waa sii socotey waata marka Danbe Ciidagale inta libaystaan uu Qawdhan ka gabyayo dagaalkaas.

	Copyright 2000 - 2002  HoygaSuugaanta.com