| |
|
|
XUBEERA |
Casayr oo ka mid ahaa
ciidamadii Ingiriiska oo Xubeera meesha la yidhaahdo jooga ayaa
Xabashiyi xoolii kala tagtay dadkii deegaanka. Qayla doon baa u yimi
oo yidhi nala dhec markaasaa Casayr loo yimi iyadoo la og yahay
geesinnimadiisa iyo shiishkiisaba. Isagoo 50 nin wata ayuu Geelii la
dhacay ka daba tegey amrkii uu soo libeystey ee ay xoolihii soo
dhiciyeenna gabaygan buu tirshey;
Annagoo Xubeeriyo fadhina xeebta dhinaceeda
Oo xarun dhisaynnoo arladu, nala xadhaadhaatay
Oo ay xagaa kulul tahoon, xumo ku noolaannay |
| |
|
Ood xididdadiyo feedhihii, xadhig na moodayso
Xoolaha aduunyada markii xabashidii qaadday
Xaggaa bariga meel naga ahayd, xaraf ka soo yeedhye
Dar ay xagashu dhiig leedahoo, xiiqsan baa yimiye
Xafiiskii la geeyoo warkii, xayga ka caddaaye
Xawaal-Daarku magacayga, iyo xaashad soo qoraye
Xaggeebuu jiraa yidhi, anoo xaadiroo imiye
Inkastaanu xididkaa lahayn, ama xigaalkiinnu
Nin xishoonayaa kama fadhiyo, Xooma oo dhacane
Xaggee laga qabtaa iyo talaa, lays xulaanjiyaye
Xigtadiyo shawr? nagu kac, iyo xaraka duullaane
Abidkeyba maantay xun tahay, xeebad ma aqaanne
Xaabsaday Lawstaanka iyo xoladki Maadhiine
Xeradii ka soofnoo gadhwade nala xawaareeye
Xigsintii u nimi kaalintay Xula ka qaadeene
Raggay Xuurtu hiigaysey iyo, aragnay xaalkiiye
Xaafadaha meydkii wadhnaa, ruuxi na xanuunye?
Durba qaar xanuun sheegte iyo waan xumaysnahaye
Xasan, iyo Xuseen Maxamed, iyo Xaashi soo hadhe'e
Intay geed xashaadina galeen, xoore qalabkiiye
Ku xariiray labadii indhood, xanaq daraaddiiye
Qorraxdoo xisaabtaa casara, xaalad lays aragye
Xidhadh cadayle soo jiifsadoo, xoog u soo ride'e
Xoor-xoore oo saanaddii ma ay xisaabayne
...Iyadood xiddigahaa cirkiyo, xoo mooddo
Xanfarka iyo qiiqii markuu nagu xijaabnaaday
Xuub nalaga qaadyoo na kace, xaaddi timihiiye
Xuble u soconnay raadkii markaan helay xaqiiqdiiye
Waatuu wadnuu nala xarkagay xiiqdi orodkiiye
Xaakiyo candhuufiba madhoo, xaraqday laabtiiye
Sidii aan Xadiid bira gashaday, ama xuruush hoose?
Meeshay ka xuuf leedahaan, abid xuluushaaye
Xusul ugu gurguurtoo la degey xoon agtooda ahe
Xuruuf shiish la baraybaan ahoon xubin la seegayne
Kolkaan Xayle labadii miskood xaw ku kala gooyey
Waatay sidii xaawaleey, xuguf u yaaceene
Xaddigii ka go'ay waa badnaa lama xisaabayne
Xoorkaan habeenkaa ka dhamay, waan xalaashadaye
Goortaan xaraabii ka imi, la igu soo xoonye
Xaraarkiyo mashxaradday hablii igu xayaadeene
Dar uunbaa xaniyo faan shubaan xal uga hoosayne
Haddaan xaasid jirinoo runtiyo xaqa la sheegaayo
Xallad bay lahayd maalintii xaajadaan falaye
Xariirta iyo Dahabkaan siteen, ku xarragoonaayo
Xabbad baan dhafoorka u dhigee, sooma aan xadine |
|
