Saalax Lay-Diray & Sugulle Maxamed
Saalax & Sugulle waxay ahaayeen laba nin oo walaalo ah oo labaduba ahaa
abwaanno waaweyn. Saalax ayaa beri u socdaalay Habar Yoonis Galbeed
wuxuuna la kulmay qabiil rag iyo maalba ka hodan ah dhul baro-san ahna
yaal. Saalax wuxuu deegaannadii uu tegey kala kulmay soo dhaweyn weyn.
Saalax markuu ku soo laabtay Koonfurta Sanaag oo reerkooda deegaan u
ahayd ayuu walaalkii Sugulle uga warramay tol-weynaha uu soo arkay
isagoo jeclaystay in beeshiisa Sacad Yoonis u guurto dhulkaas uu soo
arkay. Sugulle aad buu ula yaabay Saalax wuxuuna fekerkiisa arrintuu
Saalax la yimi ku cabbiray tixdan aan dhamaystirnayn
Sacad Yoonis Eexiyo u guur, ila nugaaleede
Amar-weynta Tuurwaa bari, bay ka ololaysaaye
Abtinnimo kuwii noo xigee, la is adeecaayey
Waxay ooshi Maxamuud jirtaa, eegga Karamaan e
Gadhka igu aloolmiyo cirrada, ubaxa aad mooddo
Abkay aadankay waxanan noqon, inan-layaal reere
Deeqdiyo ammaantoo guryaha, noogu imanaysa
Annagoo Isaaq ugu il-roon, ool ha noo celine
Arli loo hiloobiyo tigaad, nooma soo arage
Af-macaanidii bay galbeed, kugu aduufeene
Waxan Saalaxow ku irbayaa, waa ibleysnimo e
Abda malaha meeshaad tuldaha, kula ordaysaaye
Iimaanso??ooddii yar baa aaran jebiyaaye!
More