Jawaabtii CaliDhuux
Maxamed Aadan Caws "Yawle", (HY)
Daraawiish iyo niman bah Geri ah ayaa weeraray shaxda abbaara
1912 kii. Nimankaas waa la jebshey waxaana ka gabyey Cali
DHuux oo gabaygiisa ka mid ahayd |
| |
Shaqfadley Bah Gari
waa kuwaa Sheemo waararaye
Sharkuba idin muu taabteen hadaad shalay na dhaaftaane
Cayuun shacab le oo kii lahaa shaah karinaayo
Oo odaygiina xeer ugu shir tagay ma le Shirshooruuye
Daraan idin shiddeenyeenba waa naga shisheeyeene. |
Beydka danbe ee gabaygu wuxuu
leeyahay Isaaq siiba (HY & HJ) ayaan dhacsadeene maad xagooda
noo dhaaftaan.
23 Sano ka dib iyadoo gabaygii Cali Dhuux aan laga jawaabin
ayaa Majeerteen (Biciidyahan) galay shaxda iyo geelii
dhulbahante Cid ka daba tagtana waa la waayey. Salaan Carabey
oo gabayga jawaabtiisa lahaa wuxuu ku maqnaa Cadan. Laba nin
oo la kala yidhaado Dhulqas Aadan-Dibi (Cismaan Aaadan) iyo
Yawle ayaa ka jawaabay gabaygii. Tixdani waa tii Yawle uga
jawaabay tii Cali dhuux marshey 1912kii. Yawle wuxu yidhi Alla
ha u naxariistee; |
| |
Warka xalay habeenkoo
badh tagay hugufku ii keenay
Heeryada Madheedhka le halkaa iyo hogobka Buhoodle
Ayadoo hagoogane fardaha hadhaca loo waabay
Horweynkii miyaa lagala tagay hiririfkii dayrta
Hayaay iyo hayaay qayladii haan kastaba gaadhay
Heeryada iyo miyaa Awryuhuud haanta lagu boobay
Habeeda iyo saalada waxay haarta jebiyaanba
Iyaga oo habeen sii dhaxshay oo sii hintiqinaaya
Hadhka galay miyaa racdadii hir iska soo moostay
Ma hollanna ma noqonaa miyaa lasku haaraamay
Halkii lagama raacin ee dib bay uga hulleeleene
iidoorku Hoobaan dhiraha kama huluusheene
Alayle waxaan lagu hafteen halawga maadhiinka
Huwana waydinkaa dilay siday hibo u saarnayde
Hagar Adaan iyo Khaalidkaan Hawd u gali waayay
Haawey Majeerteen ka baqe inay humaajaane
Sengayaasha heensaha dunta ah la handaraafaaya
Ee hilawga dooggiyo Galgala Hawka lagu foofshey
Habaaska iyo raacdada hadaan lagu halaagaynin
Ma hilbay ka qalan wayla yaab waxay u haystaane
Maxay se horaro laayeen ku fali hawsha iyo guulka
Afartaa hilaac iyo sidii heego maw curiyay
Cali Garigi noogu hengellaa hiilki Ba Xawaadle
Humbanida dhexeeto iyo intaa halaqa Daaroodka
Markii hilib baruurliyo la cuno halab karuurkeeda
Nimankaad hargoolaha Berbera hadalka moodaysay
Ma hollin ee Majeerteen ka baqe inay humaajaane
|
