| |
Tuducyadan soo socdaa waxay ka mid ahaayeen gabay uu
Salaan Carrabey u tirshey Ina Cabdalla Xasan. Geela la magac baxay Gundheere
marka la qaaday buu ku aadanaa gabaygani
MA SAXNA.
Fadlan Soo dhammee gabayga.
Muuse Carre Sharafkii ka dhimay,
Shaambaddii boqore
Shaalkii Galladduu ku hadhay, shire hog-guu yiile
Cirkuna wuu shanfaxay Aw Guhaad, shuguguxdiisiiye
Guuleed shallaytada ma ledo, shawr caloosha aha'e
Waayadan karuur looma shubin, Shaaxin iyo Laane
Wixii uu Digoow shalac ahaa, shay ka fududaaye
Kol danbuu Ilaah uga shiddayn sharafki saarraaye
Shaarubo engegan ina Si-Arag, shaah u soor noqoye
Shawdii Cabday ku habbanayd, shalaxdi caanuuye
Dhaaxaa hadhuub wiil shaqladay, sheedda loo rogaye
Fircoonbaa cilmiga sheegi jirey, Sheekhna ma ahayne
Isaguba shirkiga Eebbeheen, Shiqi gadaalkiiye
Shed nimaanu celinayn asaan, shar uga taag waayey
Amase cirradu sharaaryaha dhigtoo, shubaya xaaraanta
Shafkana aan ka qaadayn hablaha, waw shin tiriyaaye
Naagaha Siddeed baw sharciya, shayna dheer yahaye
Haddaan Maxamed(SCW) sharaftiisu jirin shamis ma nuurteene
Shaki geliysey nebigii (SCW) arliga, shaaca ku ahaaye.
Shiinena an keennee haddaan, sharacgal kaa weyney
Waynoo shihiid dirir xumaad naga shaqayseene.
Tuducyadan Hoose oo halqabsi noqday oo uu tirshey Salaan Carrabey (Allah ha
u naxariistee) ma hubno in ay ku jireen gabaygan kore iyo inuu gabay goonni
ah ahaa.
Shansha adhiba shirixaa
danbaa shuuxa abidkiise
Shahwo oday ka qaaliban abitiga shaashadii xumiye
|
|
