Jaamac Axmed Jaamac "Gacmadheere" (1922 -2004) HJ, Reer Yoonis "Ciinow lagu sheegye"

Rag badan oo ay Abwaanka ilmaadeerro ahaayeen oo magaalada Berbera oo dhan ka qaylisiiyey ayuu gabaygani ku saabsan yahay.

Caska dheer, Cismaaniyo Gurey, Caliga hoos jooga
Iyo Ina Cawaalii ahaa, Caaqilka is doortay
Camal-xumada mooyee Qanjaha, caarifka u sheegtay
Ceeriga Berbera wiilashaa, caanbax ku ahaaday

Ciisaha, caseebada shuftiga, ciidanka Amxaaro
Col-gondoodka, faashlaha lixda ah, caalamkuba sheegye
Cayn iyo Saraariyo Burcaa, lagaga cawdaaye
Cagarawde baableeshinkii , cuudka hayn jiraye

Caarraha shabeelkaba dhulbaa, looga cararaaye
Waa caymad nimankii fadhiyey, Cal iyo Dawdaabe
Waa duul cantuuga bartoon, caabudayn Axade

Caaday u yeesheen nin raga, inay cammeeyaane
Caataa waddeen iyo badhbaan, Cadan u soo reebay
Goortuu miskiinkii cawaro, haw calaacalo’e
Ninse caleenta jaad iibiya, iyo cobosha mooyaane

Carmal uu yaqaan iyo hablaha, camal la’ mooyaane
Casho dhow dar aan sheegayoon, celiyey mooyaane
Dad inay caqiibo u galaan, waa ka caariyo’e
Ku caddeeya ceeb waxawgu filan, Ciinow lagu sheegye.